NA VOIA MATA

NA VOIA MATA
Doménega d'istà. Dopodisnar.
No gh'è `n pél d'ària gnanca se i lo paga.
Le strade vòide. 'N sol che te mbriaga.
E 'ndòs na voia de lassàrse nar.

Na voia mata de butarse `n tera
e de sgolar lontan sora le zese...
- Che bèi quei anzoleti dele ciése
che l'par che i sgola sempre e no l'è vera! -

Na voia mata de tornar a casa
e de star chi a dormir sora le prede...
- Che bèi quei do pizzoni che se basa
sul coèrt che no se vede e che se vede! -

Na voia de silenzi e de gazèri,
de mili ròbe che no se pòl dir,
de butar via la testa coi peneri,
de tòrla su, de viver, de morir.

(da Aneghe Tàneghe, 1965)

NA RONDOLA SNIVADA
Ronzégno, la me casa, i primi passi.
Le pégore. I me véci. L'ortesèl.
Le rampeghine sui muréti bassi.
La vasca, la fontana, `l pessatèl...

Ricordi dolzi e grevi come i sassi
sul còr che bate a colpi de martèl,
quante matérie zó per la via Grassi
con quel balon de pèzza e `l caretèl

Quante matèrie su per quel'antana!
Quante storie de pòpi che ò sentì!
Tute le storie dela Valsugana.

Stòrie che sluse, che no è mai finì...
Ronzegno! Gh'è na róndola lontana
che ziga, e quela róndola son mi.

SEN TUTI PRESONERI
Sen tuti presoneri
de tut, del pan, del vin,
dei soldi, del’amor e del dolor...
Per questo stamatina
gò davèrt la gabiéta al lugherin.
(da Campanò, 1988)

FICO LE MAN ENTÉ LA TERA
Fico le man enté la tera
per meter zo na somenza.
No sò de còssa.
Nè se la buterà.
Ma ‘ntant soméno, òmeni, soméno!
(da Campanò, 1988)

Marco Pola, Roncegno (Valsugana) 1906 - Trento, 1991

Serendipity a ravanare nei blog dei vicini: grazie Bersntol che me l'hai ricordato

Monografia a cura della Provincia Autonoma di Trento sul numero del giugno 2006 di PosterTrentino
Sito ufficiale di Marco Pola