venerdì 14 marzo 2008

De sera

IMG_3144

Sera in Val di Sole - Menàs con il Brenta sullo sfondo

Gió del Tonal e gió de la Valpiana,
d'Artuìch e del Còren del Boai
vegn l'aria de la sera
e el par che la me val la sia pu bela.

Le campane de Ossana e de altre ciese
le se parla fra lore 'n poesia
saludandose con l'Ave Maria..

Sentadi su 'na banca, för de casa,
ghé gent che polsa e ciàcola, e matei
che tira i oci a qualche matelina,
popi che cor e giuga a tana,
qualche anda che amò fila col fus,
qualche popin che spia de dre de 'n us.

El temp el passa 'n pressa e vegn le des
e alora torna queto el me paés,
entant che 'n ciel le stele a una a una
le se 'mpiza e la gent la cor a dòrmer
e sol el Nos en font el se fa sènter.

Ghe 'n bèch de luna sora de 'n coèrt,
en po de ciar se 'l vet da 'nus ravèrt,
el gril el fa finir la so canzón:
mi ravergi a la not el me balcón.

Quirino Bezzi
Dialetto di Cusiano, Val di Sole